МР-нь образованиянь институтсо ютась национальной школань рузонь, эрзянь, мокшонь келень ды литературань тонавтыцянь семинар( В МРИО состоялся семинар учителей национальных школ, преподающих русский язык) ЭРЗЯ

Тонавтнема иень ушодовомсто саезь те васенце истямо семинар, ков пурнавсть рузонь, мокшонь, эрзянь  келень ды литературань тонавтыцятне. Весень сынст вейсэнди вейке – кочказь тевентень вечкемась. Республикань малав весе райононь представительтне покш мельсэ тагояк вейсэ кортнить талновтыця кевкстематнеде, евтнить эсест топавтовкстост. Федеральной государственной образовательной  стандартнэнь тевс нолдамось национальной школань рузонь келень уроктнесэ! Те темась кармась прявтокс семинаронь важодема лувсонть. Тонавтомасо од стандартнэнь  кирдемась веши важодемань  од лувсо ютавтома. Вастневиця стакачитнень кардамга, образованиянь интситутонь методистнэ анокстасть рекомендацият, конат шождалгавтсызь занятиятнень ветямонть. Кода карминек содамо, те иень уроктне явовить ютазь иенсетнень коряс. Ламот тонавтыцятнень ютксто покш стажост. Образованиянь сферасо полавтоматнень-ловить шкань коряс эрявиксэкс. Содазь, прявт путовксокс свал ульнесь ды каднови- ламо содамочинь, ероков эйкакшнтэнь кастомась. Тень пингстэ явома мель тонавтнемапельтнень лангскак. Иень перть семинартнэ, конференциятне поладовить, тешкстыть вастовомань пурныцятне. Тонавтыцятнень тесэ учить свалшкане.  Весе мероприятиятнеде домка информациясь муеви образованиянь институтонь сайтсэ.