Мордовиянь тонавтыцятне невтьсызь республиканть Классонь ветицянь Россиянь VI-це форумсо! (эрзя)
Покш промксось юты Московсо “Россия” раськень куншкакуросо таштамковонь 30-це чистэ саезь ожоковонь 2-це чис. Мордовиянь тонавтомань министерствасо пачтить, форумс понгицятне ютасть а шожда ды кувака кочкамо – масторонок эрьва кодамо регионсто тонавтыцятне кучсть 43 тёжадо ламо яволявтомат. Кочказь малав 1000 тонавтыцят. Эйстэст классонь 700 ветицят ды средней профессиональной тонавтомасо кураторт, школань 300 прявтт. Мордовиясто форумонтень понгсть Наталья Вольнова Рузаевкань 8-це школасто музыкань тонавтыцясь, Наталья Ежова Ковылкинань 1-це гимназиясто географиянь тонавтыцясь ды Елена Масанова Рузаевкань 5-це школасто педагогось. Тешкстама, форумось ютавтови Россиянь Президентэнть кармавтоманзо коряс.