Мордовиянь полициясь лоткавтызе 4 миллионт целковойтнень саламонть СВО-нь чавовозь боецэнть аванзо кедьстэ (эрзя)
Ютазь ковсто телефононь вельде манчицятне гайневтсть Зубово-Полянань буень 75 иесэ эрицянтень, ёвтызь пряст военкоматонь важодицякс, ды цёранзо куломадо мейле казненть кемекстамга содызь паспортонь даннойтнень. Мейле авантень гайневтсть «ФСБ-нь важодицятне» ды яволявтсть, сон чумондови терроризмань финансированиясо. Таштавкстнэнь «ваннстомга» ды ответственностенть а нолдамга, манчицятне кемевтизь пенсионерканть каямс ды максомс ярмактнень «инкассаторонтень». Кемезь, сон сайсь 1 миллион 900 тёжат целковойть – цёранзо маштовоманть кис пандоматнень пельксэнть – ды умарьковонь прядовомсто максызе ярмаконь пакетэнть асодавикс ломанентень.
Зярыя чинь ютазь манчицятне таго лиссть сюлмавомас ды вешсть кадовозь ярмактнень – малав 4 миллионт целковойть. Ансяк ней авась чарькодсь, сонзэ манчить, ды пшкадсь полицияв. Манчицятнень марто седе тов кортамотне ютасть оперативниктнень вановтост ало. Зярдо зыянонь кирдицянть кудонтень састь кавто цёрат ды саизь ярмак марто муляжонть, полицейскойтне кундызь сынст. Вейкесь терявтсь оргодемс вирев, ансяк сасазель.
Кевкстнемстэ кундазтне видькстасть теезденть. Курьертнэстэ вейкесь ёвтнесь, свалшкань важодемавтомо мусь вакансия интернетстэ, мейле ёвтась мель важодемс содавиксэнзэ туртов.
Панжозь уголовной тев РФ-нь УК-нь 30-це статьянь 3-це пельксэнть, 159-це статьянь 4-це пельксэнть коряс.