Мордовиянь эряйхненди кучсть сюконямань валхт (мокша)
Херсонскяй областень губернаторть Владимир Сальдонь мархта республикань Оцюнясь Артём Здунов макссть питне Мордовияста строителень бригадатнень тевснонды. Аф ваномок сталмотнень лангс, покодихть цебярьста.
Эсь телеграмм каналсонза Мордовиянь Оцюнясь сёрмадсь, што усксть Каланчакса эряйхненди пчкафтомбяльхть и оборудования медикненди. Няине, кода лама ломань малаткшнихть минь пчкафтыеньконди. Синь эсь прянь аф ужяльдезь тевснон тяса пяк шнайхть. Тя окрругса петьф МФЦ-нь зданиясь, строяф идень площадка, аруяфтф лихтибрясь, 15 социальнай учреждениятнень эса полафтф котельнайса оборудованиясь. Мордовиянь Оцюнясь шарфтсь мяль Каланчакскяй больницянь идень комнатати. Арьсеф сонь одкстоптомс, штоба иттненди улель цебярь. Сяда тов макссевсь опытсь. Тонафнефт Херсонцта медицинань и образованиянь представительхне. Эряви улемс кода фкя семьяса, марса. Васетькшнеме и землякнень — военнослужащайхнень мархта. Ускоме цёратненди УАЗ, гуманитарнай лезкс, содаськ, мезьса нинге эряви кирдемс ширеснон и синь семьяснон, кит учихть кудса. Цёратнень кепотьфт мяльсна. Озондомань ёмла кудняса, кона панчф Святой праведнай воинть Феодор Ушаковонь лемс, Владимир Сальдонь и Каланчакста од ломаттнень мархта озафтфт пиченят, конат ускфт Мордовияста. Ульсть Преображенка велень школаса, республикать эзда макссть учебникт, художественнай литература, а иттненди рюкзакт и лия парши тонафнемань од кизоти.