Мордовиянь эрицятненень мереви полавтомс соцуслугатнень максомань форманть ожоковонь 1-це чинтень (эрзя)
Федеральной льготниктненень, конатненень пандовить эрьва ковонь ярмакт, мереви кочкамс, кодамо лувсо саемс социальной услугатнень – натуральной формасо эли ярмаксо.
Соцуслугань пурнавкс:
• рецептэнь коряс ормаменькст ды медицинань теевкст, лавшо шумбрачи марто эйкакштнень туртов лецямонь ярсамопель;
• санаторно-курортной лецямос путёвкат.;
• чугункань кинь пригородной транспортсо ды ошютконь транспортсо лецямонь таркас ды мекев питневтеме ардомась.
Пурнавксонь неень форманть целанек эли пельксэнь полавтомс мереви те иень ожоковонь 1-це чинтень. Кочказь вариантось карми важодеме сы иень якшамковонь 1-це чистэнть саезь.
Яволявтоматне максовить эрямонь коряс социальной фондтнэсэ эли ламо функциянь куншкакуротнесэ.