«Мой бизнес» Центраса ётась нюрьхкяня видеотнень съёмкаснон и тиемаснон коряс мастер-класс (мокша)

Сон арась цебярь кепотьксокс кирдемати, кона максови Мордовиянь предпринимательхненди «Малое и среднее предпринимательство и поддержка индивидуальной предпринимательской инициативы» национальнай проектть вельде. Нацпроектсь шарфтф ёмла и средняй бизнесонь вииямати, а топафтомац максы республикань бизнесметненди конкурентоспособностень касфтомати аф фкя лацонь уликсшит.
Мастер-классь, конань ётафтозе Мордовиянь экономикань, торговлянь и предпринимательствань Министерствась марса «Мой бизнес» Центрать мархта, кочкась 40 участникта лама. Ёткссост ульсть кода самозанятайхть, стане и предпринимательхть, мезсь китькстасы оцю мяльть видео-контентть тиеманцты.
Занятиять ётафтозе маркетингса специалистсь Святослав Пеунин. Сон шарфтозень тонафнихнень мяльснон аудиториять мархта покодемати и контентть тиеманцты. Стане жа Святослав тяшкстазень эльбятькснень, конатнень лангса эряви покодемс, штоба аф тиемс синь сай пингста.
Мастер-классть практикань пяльксстонза тифоль предпринимательхнень видеоснонды анализ. Тяса эрь участникти контентть цебярьгофнеманц коряс максфтольхть рекомендацият.
Эряви азомс, что мастер-классь бизнес-сообществати аф васенце тяфтама мероприятиясь. 22-це майста, предпринимательствань Недляста, ётась васедема, коза састь 10 самозанятайхть.