Мемориальнай музейса выставкась (МОКША)
Военнай и трудовой подвигонь мемориальнай музеи республикань эряйхне, ветераттне, войнань участникне, синь идьсна и уноксна макссть ванфтоманди тёжянь кафкса сятт сизьгемонь вейхкса орден и медаль. Музейть экспозициянцты аш кода няфтемс синь фкя пингста. Сяс и аноклавихть эрь кодама выставкат. Выставкать панжеманцты сашендсть республиканскяй и ошень ветеранонь Советть представителенза, политехническяй техникумонь студенттне и преподавательхне, ошень эряйхне, а тяфта Великай Отечественнай войнань участникнень, кинь боевой казнесна няфтьфт экспозицияса, мала ломаньцна. Лама корхтафоль тяса земляконьконь подвигснон колга. Сембось тя эряви содамс од ломаттненди. Выставкась кармай работама кафта кофт. Сяс сембонди, кинь мялец сяда лама содамс войнать колга, ули кода ваномс аноклаф экспозициять. Музейть кенкшенза фалу панжадот.