Манчизь 81 иесэ Саран ошонь эрицянть (эрзя)
Сарансо манчицятне «кольстямонь каямсто» саласть пенсиясо улицянть кедьстэ 250 тёжат целковойть. Манчемас понгсь Мордовиянь прявтошонь 81 иесэ ава, кона умарьковонь 5-це чистэ пшкадсь манчемадо яволявтома марто Саранонь полициянь отделс. Пенсиясо улицясь ёвтнесь полицейскойтненень, што каршо чиде икеле чить А. Лусс куросо сонензэ пшкадсь асодавикс ава ды кевкстизе зыянонь кирдицянть, цёранзо уличиденть. Кемекстамодо каршо валдонть мейле кортыцясь яволявтсь, што пенсиясо улицянть лангс путозь кольстямо, ды зярыя чинь ютазь сонзэ ды малавиксэнть марто лиси кажо. Те шкасто «невтемантень» вейсэндясь ещё вейке ава, кона кармась ёвтамо сюкпрянь валт «ормань менстицянтень» икеле максозь лезксэнть кис. Тень пингстэ сон венстясь «муницянтень» конёвонь ярмак – прок, раужо виень коень ютавтомас.
Уш кавонест манчицятне кевкстсть сыре аванть кедьстэ – анок сон ванськавтомс ауранть? Пенсиясо улицясь макссь мель, кандынзе кудосто весе улиця таштазенть ды максызе муницянтень 250 тёжа целковойтнень марто пакетэнть. Эсензэ «ванськавтомань коенть» эрявсь ютавтомс чувто удало, козонь тустькак колмонест. Манчицясь мерсь зыянс понгозентень велявтомс кутьмере ёндо, а сонсь ушодсь максозь ярмактнень «кортавтомо».
Манчемань коесь мольсь часонь перть, мейле Саран ошонь эрицянтень велявтызь ярмак марто пакетэнть. Сонензэ кармавтозель, кекшевлизе сонзэ чопода таркас ды апанжтневель чинь перть. Сыця валскестэ авась арсесь варштамс таштавксонть ды муинзе тапаркссо конёвонь лопатнень.
Неень шкасто манчемань тевенть коряс МР-ва МВД-сэ панжозь уголовной тев, ютавтовить оперативень анокстамонь мероприятият, конатнень лувсо вешневить те теветь теицятне ды сынст улема таркаст.