Лезэ школантень анокстамосо (эрзя)
Мордовиясо эйкакштнень школантень анокстамос республикань Прявтонть пельде вейкине ярмаконь лезксэсь пачтяви умарьковонь 25-це чис. Неть шкатне кемекстазь сень кис, штобу кудораськетне кенеревельть рамамс школасо тонавтницятненень весе эрявиксэнть таштамковонь 1-це чис. 2024-це иень умарьковонь 13-це чис, тонавтнемань од иеденть икеле Мордовиясо пандомась максови 1 355 кудораськетненень, конатнесэ трявить-кастовить 2 850 эйкакшт. Ледстясынек, тонавтнемань од иентень ярмаконь лезксэнть эйкакш марто кудораськетненень региононь кирдивийтне максыть ламо иетнень перть. Тедеде ярмаконь покшолмась эрьва эйкакшонть-тонавтницянть лангс – 5 тёжат целковойть.