Лавшо шумбрачи марто ломантненень лездыть важодемань таркань муемасо (эрзя)
Региононь занятостень службась полады лавшо шумбрачи марто ломантненень важодемань таркань максомань коряс важодеманть. Иень ушодовомсто важодема муезель 73 ломантненень, конатнень эйстэ 5 максозель ярмаконь лезкс соцконтрактонть лувсо ды сынь панжсть эсест бизнес. Седе сеедьстэ лавшо шумбрачи марто ломантне муить эрявикс таркат мельга якамонь сферасо, велень хозяйствасо, шожда промышленностьсэнть, вейсэнь ярсамо таркасо, бухгалтерэнь ды юриспруденциянь важодема таркатнесэ. Течи республикасо региональной учётсо аштить лавшо шумбрачи марто малав 160 ломанть. Эрьванть мельга кемекстазь важодема таркасо касомань консультант, кона вети сонзэ важодема таркань вешнемасо ды полады кирдеме важодемань муемадо мейлеяк. Занятостень службань специалисттнэ тешкстыть паро ёнов полавтоматнень – лавшо шумбрачи марто ломантне седе сеедьстэ кадсызь кудост ды пшкалить важодемань таркань вешнемань лезксэнть кис. Истят вешематнень ламочись ютазь иенть коряс кассь 10 процентс.