Куронь кинонь фестиваль (эрзя)

26-це ды 27-це чистэ «Россия» кинотеатрасо ютавтови куронь кинонь XI-це фестиваль. Мордовиянь прявтошонь эрицятненень ды инжетненень мереви ванномс од режиссёртнэнь сех вадря нурька фильматнень. Ваныцятнень учи фестивалень «Сех вадрясь 12+» аволь пелькстамонть лувсо программась. Невтевить фильматне, конат анокстазельть од ломантненень вечкема ды мелявкс марто. Эйсэст кепсевить кудораськень питнечиде, малавикстнэнень вечкемадо, терявтнемадо ды парочиде  кевкстематне. Весенень мереви путомс питне од режиссёртнэнь шкинемантень – Александр Назаровнень, Иван Сосниннэнь, Ильдар Шангараевнень, Александр Кузовковнень.   Ушодксось 13 чассто. Совамось питневтеме. Поладомань информациясь — 8 (8342) 77-76-00 телефононть вельде. Куронь вестивалесь масторсонть уш теевсь сех покшокс нурька кинонь географиянь ванномань коряс.  1000 ламо ошт сравтсызь таркатнень, нурька метрань сех вадря важодевкстнэнь эрьвантень ванномга. 600 тёжадо ламо ваныцят  лисить эсест ошонь лейчиретнес, таркатнес ды куротнес, пурнавить ДК-нь ды кинонь ванномань нупальтнесэ, иень перть од автортнэнь нурька фильмань  ванномга.