Кудораськень ламо функциянь куншкакуронь панжомась (эрзя)

Рузаевка ошсо ютась Рузаевкань буевань эрицятнень социальной ванстоманть пингстэ «Кудораськень ламо функциянь куншкакуронь» отделениянь панжомась. Те социальной лезксэнь максомань ды государстванть пельде кирдемань эйкакш марто пиштиця кудораськетнень ветямонь од лув.
Покшчисэнть ульнесть Рузаевкань буень прявтось Александр Юткин ды Мордовиясо эйкакшонь правань коряс Уполномоченноесь Наталья Юткина, пурнавсть ламо эйкакшонь триця ды СВО-со улицятнень кудораськеть. Куншкакуросонть кармить важодеме зярыя таркат. Администраторонь таркась – совицятнень вастоманть туртов. Кулянь цифрань максомань таркасо мереви совамс истят ифициальной порталтнэс кода «Госуслуги», «Монь тевконёвом», «Россиясо важодемась», правань коряс содавтомань лувтненень ды седе тов. Кудораськетнень васенце ванномань службась кунды социальной услугатнень эрявиксчинть ды превень максомантень, а социальной услугань максыця специалисттнэ топавтсызь социальной ильтямонть. Ули тесэ эйкакштненень налксемань нупаль, эйдетнень андомань ды руцясо тапарямонь тарка. Психологиянь бойкасто максомань ды пек куроконь лезксэнть кис мереви пшкадемс тетятненень-аватненень. Истяжо куншкакуросо ули ламо ломаннень ютавтомга конференц-нупаль.
Ледстясынек, Мордовиясь – эрямонь стакачис понгозь эйкакшонь кирдемань Фондонь лезксэнзэ вельде кудораськень МФЦ-нь панжомань коряс пилотонь теварсевксэнь участник.