Кшнинь ярмаконь тарго (эрзя)
Панжиковонь 20-це чистэ саезь аштемковонь 2-це чис Россиянь Банконь кирдеманзо вельде юты «Монетная неделя» весе Россиянь акциясь. Те шкасто весенень мереви полавтомс акциянтень мелень явиця банктнесэ таштавозь кшнинь ярмактнень эли комиссиявтомо путомс сынст счётс. Кой-кона банктне бонусокс максыть эсест клиентнэнень ледстнемань кшнинь ярмакт эли сувенирт. Теде домкасто мереви содавтовомс банконь офиссэ, косо карми ютавтовомо полавтомась. Мордовиясо банктнень пурнавксонть ды офистнэнь адрестнэнь марто, косо карми ютамо акциясь, истяжо кшнинь ярмаконь саемань лувонть марто мереви содавтовомс сайтсэ. Банктнес мереви максомс вишка ярмактнень, конат нолдавить тевс неень шкасто. Истяжо мереви кандомс мендявозь чемениявозь эли варя марто кшнинь ярмактнень. Икелепелев седе паро явомс кшнинь ярмактнень номиналонть коряс, штобу полавтомас туевель седе аламо шка. Офисэв молемадо икеле саеде мартонк паспорт, истя кода полавтомас эряви пештямс яволявтома. Россиянь Банкось чекани ламо кшнинь ярмакт, сынст покш пельксэсь кадови эрицятнень таштамонь паргинетнесэ. Те тувталонть кувалт акциянь прявт тевесь – велявтомс ломантнень кедьсэ улиця кшнинь ярмактнень тевс ды киртямс сынст чеканямос ёмавкстнэнь.