«Книгань парочинь марафон» (эрзя)
«Книгань парочинь марафон» акциянть лувсо Херсононь ёнксонь Каланчаконь муниципальной округонь ловнома кудотнес Мордовиясо пурназь ды кучозь колмо тёжадо ламо книгат. Ледстясынек, акциясь ушодовсь иеде икеле, те шканть перть кассь региононть келес ды теевсь республикань #КультураZаПобеду теварсевксэнь пельксэкс. Книгатнень од регионтнэс кучомань мелесь муизе общественностенть ютксо келей пшкадеманть. Нолдавкстнэнь казить покштнэ ды республикань вишка эрицятне, тонавтомань учреждениятне, предпринимательтне, эрьва кодат организациятне. Книгатне истяжо сыть культурань учреждениятнень пельде, ютксост Мордовиянь буень ловнома кудотнестэ.
Литературань покш пельксэсь максозь специальной военной операциянь ветерантнэнень. Сыненст «Масторонь ванстыцят» фондсо кочказь ды теезь специальной ловнома тарка. «Книгань парочинь марафон» лезксэнь максомань акциясь поладови. Явомс сонензэ мель мереви эрьвантень. Тень туртов эряви кандомс эрьва кодамо книга А.С. Пушкин лемсэ раськень ловнома кудов.