Кемголмувоцеда смузю иттнень кочксесыне «Эряк, шачема кяль!» межрегиональнай этнокультурнай лагерьсь. (МОКША)
«Эряк, шачема кяль!» межрегиональнай этнокультурнай лагерьсь тядде пуроптсь марса кафксогемонь шаба, эздост колмогемотне састь Россиянь вете аймакста. Койс коре ваймамс Краснослободскяй райононь «Сивинь» идень шумбрашинь кемокстамань лагерьса кочкавсть мокшень, эрзянь, татаронь кяльхнень коряс пялькстомань сяськихне и призёрхне. Комсь фкя ши смузю иттнень мархта кармайхть работама Мордовиянь инь цебярь тонафтыхне. Шабатнень мархта эрь кодама мастер-класст ётафтыхть университетонь и пединститутонь преподавательхть. Торжественнай панжемати иттне анокласть аф оцю концертнай программа. Моразь рузонь, мокшень, эрзянь и татаронь морхнень, няфтсть национальнай кштимат. Тонафнемада башка иттнень эса учихть эрь кодама мялень салай экскурсият, Мордовиянь содаф ломаттнень мархта васедемат и аф эсь лацонь пялькстомат. Сембось тяса арьсеф сянди, штоба шабатнень улельхть аньцек цебярь мяльсна-арьсемасна.