Инжеть Каланчаконь округсто (эрзя)
Республикас састь Херсононь ёнксонь Каланчаконь округонь культурань важодицятне. Аштемковсто Херсононь ёнкссо ульнесь Мордовиянь культурань министерстванть пельде делегация, госфилармониянь артисттнэ макссть благотворительной концертт. Ней Каланчаксто вейсэ важодиця ялгатне састь, Саранонь музейтнень, ловнома таркатнень ды культурань сферань лия важодицятнень ёрокчист марто содавтовомо.
Людмила Нарбекова Эрьзя лемсэ музеень прявтось ёвтнесь лавшо шумбрачи сакшныцятнень марто важодемань инклюзивень лувтнень совавтовомадо. Сон казсь инжетненень Мордовиянь живописень ды графикань неень шкань артыцятнень – Алёна Рыбинань-Егоровань, Евгений Ширчковонь, Владимир Ваничкинэнь, Елена Ефремовань, Анатолий Барговонь артовкстнэнь. Республикань краеведениянь музеесь истяжо ёвтнесь вейсэ важодиця ялгатненень неень шкань важодевкстнэде, максызе художественной ды наукань литературанть ды «Владычный полк» историянь вельмевтемань клубонь экспонаттнэнь.