Хвалынской краеведческой музейсэнть панжовсь “Шумбрат, Мордовия!” эрзянь ды мокшонь артыцятнень невтемась (эрзя)
Алтазь сон Россиянь раськетнень вейсэндявомань Иентень ды Степан Эрьзянь 150 иетненень. Лемесь — кезэрень мокшонь ды эрзянь шумбракстнемась-теевсь экспозициянь лейтмотивекс, музеень нупальтнень теинзе инжень вечкиця кудокс эрьва сыцянть туртов. Панжомань церемониясонть ульнесть Наталия Щелканова Саратовань ёнксонь культурань министрась, Михаил Визгалов Хвалынской буень прявтось, Светлана Кузнецова РАХ-нь Равчирень отделениянь прявтонь тевтнень топавтыцясь ды Константин Петров Россиянь раськень артыцясь. Сынь тешкстызь Регионъютконь кортамонть ды Мордовиянть ды Саратовань ёнконть ютксо шкинемань сюлмавоматнень кемекстамонть. Невтемань кураторось, Эрьзянь музеень научной сотрудникесь Алёна Елисова тешкстызе, эрзянь ды мокшонь культурась — Россиянь культурань кодонь аявовикс пелькс, сонзэ эрзянь ды мокшонь тарадтнэ — сюпавчинь ванстомань невтевкс.
Экспозициянтень совить живописень, графикань, викшнемань, текстилень, чувтосто керсемань 59 произведеният. Невтемась важоди ацамковонь 15-це чис.