«Геройхнень пингсна» (мокша)
Моли «Геройхнень пингсна» народонь 3-це премиянь вайгялень максомась. «Подвигт» командань проектсь тага кочкасыне инь отькорьхнень и тевонь кельгихнень. Тядде 25 номинацият 5 регионцта — Чувашияста, Нижегородскяй, Ульяновскяй, Пензань аймакнень эзда и Мордовияста. Синь — лиятненди пара кепотькс. Опытсна питнефтома, а историясна максыхть вий цебярень тиемати. Коень коряс, премиясь кочкасыне эряфонь эрь кодама ширеста геройхнень лемснон. Тя и покодемань, и медицинань, и культурань, и медиань геройхне — сембоц 25 номинацият. Елена Горьканова — сятнень ёткса, кие лезды мрдафтомс ломаттнень эряфс. Сон колониянь социальнай покоди. Эрь шиня тии сяда тев, ёткссот — судендафнень прябаласнон решаманса. Масторть и закоттнень коряс содамошитне, а стане жа нолдамада меле лезкссь — сембось социальнай покодить лангса. Нолдамада меле покодемань вастть вешемац — прявкс кизефкснень эзда фкясь. Специалистсь содафты анокламань уровеньть мархта. Ащемань вастса сембонди максови дополнительнай профиль. Кепотьксонди, Дмитрий — ингольдень бортпроводник, колонияса тонафнезе тяниень пингонь эрявикс профессиятнень эзда фкять. Стане жа Елена лезды ладямс соткснень раднятнень и мала ломаттнень мархта, сявомс эрявикс документт и одукс тиемс прават. Кепотьксонди, сяськоманц эзда фкясь — судендаф урозты кудонь максомась. И нинге фкя сатфксоц. Ведомствань пялькстомаса Елена арась социальнай инь цебярь покодикс. Лездсь пара анокламась и, канешна, оцю опытсь. Тяни няфтьсы регионтть пялькстоматнень сембе Россиянь этапсост. Тячи Елена Горьканова вяти «Герои по призванию» номинацияса. Кирдемс авать ули кода проектонь сайтса. Эрь номинацияса максома вайгялентень аньцек фкя ломанькса. Сяськихнень лемсна арайхть содафт 14-це сентябрьста торжественнай церемонияса.