«Это у нас семейное» пелькстамось (эрзя)
Панжиковонь 30-це чистэ саезь аштемковонь 2-це чис Кудораськень иестэ Уфасо юты «Это у нас семейное» «Россия – страна возможностей» президентэнь платформань пелькстамонь округонь Равчирень федеральной округонь кудораськетненень полуфиналось. Эйсэнзэ кармить пелькстамо ПФО-нь весе регионтнэстэ кудораськень 370-нь командат. Равчирестэ пелькстамонь вешемасо ульнесть кудораськень 21 811 командат, 127 313 ломанть. Мероприятиянь панжомась юты панжиковонь 30-це чистэ. Эйсэнзэ карми Башкортостан Республикань прявтось Радий Хабиров. Кудораськень командатненень питнень путомань эскелькстнэ ютыть панжиковонь 31-це ды аштемковонь 1-це читнестэ. Сыненст эряви ютамс интеллектуальной, спортонь, шкинемань топавксонь тееманть. Пелькстыцятненень эряви невтемс аволь ансяк эсест шкинемаст, сеньгак, кода парсте эйкакштне ды тетятне-аватне содыть вейкест-вейкест ды кода маштыть важодеме командасо. Пелькстыцятнень марто важодемас тердезь экспертт, конат тонавтозельть вейкине методиканть коряс, кона анокстазь психологтнень ды профилень лия специалисттнэнь марто вейсэ. Изницятнень лемтне яволявтовить аштемковонь 2-це чистэ. Те чистэ пелькстыцятнень истяжо учить содавтомань лекцият ды мастер-класст, панжадо кортамот, вастовомат, концертэнь программа, спортонь налксемат. Очной мероприятиятнесэ эсест регионтнэнь невтить кудораськень командатне, конат дистантонь эскелькссэнть эсест федеральной округтнесэ таштасть сехте ламо баллт. Полуфиналтнэс истяжо нолдавить «Семья года – 2023» весе Россиянь пелькстамонь изницятне. Округонь полуфиналтнэс лиссть Россиянь 86 регионтнэстэ 1 624 кудораськеть, истяжо вейке кудораське Казахстан Республикасто. Округонь весе полуфиналтнэнь цётамотнень коряс кочкавить 300 кудораськень командат-финалс лисицят.
«Это у нас семейное» пелькстамонь финалось юты медьковонь 5 чистэ саезь 8-це чис Московсо. Изницятне яволявтовить Кудораськень, вечкемань ды кемемань чистэ. Пелькстамонь финалс весе лисицятне молить кудораськень ютко шкань покш ютавтомас, а 30 кудораськетненень-изницятненень максовить эрямо таркань паролгавтомас 5 миллион целковойс сертификатт.