Чачтоматнень ламолгавтомга ды эряза эрямонь кувалгавтомга (эрзя)
Мордовиянь Прявтось Артём Здунов ютавтсь Атяшевань буесэ чачтоматнень ламолгавтомань ды эряза эрямонь кувалгавтомань коряс варчамонь теварсевксэнь топавтомань коряс вастовома, конасольть Правительствас совицят, Отяжбуень представительть ды Олег Аполихин – Н.А. Лопаткин лемсэ урологиянь ды интервенциянь радиологиянь НИИ-нь прявтось, Россиянь Минздравонь репродуктивной шумбрачинь коряс прявт аволь штатонь специалистэсь, Общественной палатас совицясь. Ледстясынек, медьковсто Атяшевань буесь теевсь демографиянь кастомань коряс теварсевксэнь таркакс. Кемекстазель кинь картась — сонзэ лувс совасть кото министерстватнень ды муниципалитетэнть туртов 169 мероприятият. Мероприятиятнень эйстэ пельксэсь малав топавтозь. Шумбрачинь ванстомань министерствась ютавтсь Атяшевань пичксемань таркантень покш ваннома, свалшкане ютавтневи репродуктивной иень ломантнень диспансеризация ды шумбрачинь ванномань таркасто таркас ардниця мобильной куншкакуронь важодемась, буес сакшность региононь шумбрачинь ванстомань министерствань аволь штатонь специалисттнэ, таркань кавто организациятнесэ совавтозь шумбрачинь кемекстамонь коряс корпоративной программат.
Лезэв важодема ветяви лия ведомстватнесэ: социальной, тонавтомань, спортонь ды од ломанень сфератнесэ. Вастовоманть лувсо яволявтозельть теварсевксэнть лувсо зярыя арсемат, конат сюлмазь медицинань поладомань ванноматнень, культурань ды общественной эрямосо таркань эрицятнень марто вейсэнь тевдееманть марто. Олег Аполихин тешкстынзе варчамонь теварсевксэнь республикань командань важодемань паро цётамотнень. Программанть туртов касомань паро тевекс улевель урьвакстыцятненень-мирдененень лисицятненень сертификатонь максомась, кона кемекстави од кудораськетненень льготатнесэ, истяжо шумбра эйкакштнень чачтомга медицинань весемеёндонь ванноматнень ютавтомась.