Краснослободскяй аймакса региононь вятись васьфнесь СВО-нь участникнень шабаснон мархта (мокша)

Покш вастовома Ульяновскойсэ (эрзя)

Течи Ульяновск ошсо юты Игорь Комаров – Равчирень федеральной округсо Россиянь Президентэнть полномочной представителенть прявтсо – ПФО-нь субъекттнэнь государственной властень органонь законодательтнень Ассоциациянь сизьгемень ветеце промкс. Вастовоманть прявт кевкстематне – ПФО-нь регионтнэсэ пилоттомо авиациянь кастомась, духовно-нравственной питнечитнень ванстомань ды виевгавтомань коряс государствань политикась. Покш промкссонть карми Мордовиянь Прявтось

Вейсэндядо “Изнямонь чиемантень” (эрзя)

Панжозь 2025-це иень Изнямонь чиемас кемекстамось. Чиинк 9 вайгельбес, 2025 метрас эли лия кувалмос дистанциянть панжиковонь 9-це чистэ саезь 31-це чис. Ледстинк геройтнень лемест чиема вельде!

Илядо понго зыянс (эрзя)

Пертьпельксэсь эрьва чи кенярдовты эйсэнек лембе чисэ! Коштонь температурась касы, а эесь тееви седе човинекс. Мордовия Республикава Россиянь МЧС-нь важодицятне ледстить – эенть лангсо улемась тееви зыяновокс. Васняяк те кандови калонь кундсицятненень ды ведь вакссо ськамост улиця эйкакштненень. Бути лиси зыянов тев, гайневтеде 112 номерганть.

Артём Здунов ютавтсь вастовома Ирек Файзуллин РФ-нь строямонь ды жилищно-коммунальной хозяйствань министранть марто (эрзя)

“Ваннозельть республиканок туртов прявт топавтоматне, кортазельть “Инфраструктура для жизни” раськень од теварсевкэнть коряс икелепелев арсематне. Ваннынек коммунальной сеттнень одкстомтомань коряс эскелькстнэнь ды тонавтомань ды шумбрачинь ванстомань объекттнэнь коряс колмо иень перть стявтомань кевкстематнень”, – сёрмадсь телеграм-каналсонзо Мордовиянь Прявтось.

Мордовиянь шумбрачинь ванстыцятненень ёвтазь сюкпрянь валт Каланчаконь округонь эрицятнень пельде (эрзя)

Командасонть шумбрачинь вете ванстыцят: хирург, терапевт, невролог, педиатр ды акушер-гинеколог. Васенце колмо тарготнень перть сынь ванность 2500 эрицят. Те аволь ансяк буень пичксемань кудонь пациентт, важодсть шумбрачинь ванстыцятне велень ФАПтнесэ ды якасть эрямо таркатнева. Каланчаконь округонь прявтонь васенце полавтыцясь, максозь лезксэнть кис, ёвтась сюкпрянь валт минек медиктненень.

Рузаевка ошонь эрицясь Россиянь журналонь васенце лопасо! (эрзя)

Рузаевка ошонь 3 иесэ эрицясь Василиса Навратова Россиянь журналонь васенце лопасо! 4-це номерэнь эйкакшонь кужонь раськень оршамопельсэ трявксось изнясь «Фото на обложку» пелькстамосо, конань даволковсто ютавтсь «Дошкольник.РФ» журналось. Нолдави сон 2010-це иестэ саезь. Журналсонть сёрмадовить эйкакшонь трямодо эрьва кодат статьят, истяжо автортнэнь пельде ёвкст ды валморот. Сонзэ автортнэнь ютксо Рузаевкань буень эйкакшонь учреждениянь педагогтнеяк.

Ютавтови ваннома (эрзя)

Даволковонь 27-це чистэ 11 чассто саезь 11 часос 10 минутас Саран ошсо ютавтови эрицятнень яволявтомадо электросиренань, ульцясо гайтень виевгавтомань систематнень ванномась. Электросиренатнень гайтесь – те гражданской оборонань «Внимание всем!» яволявтомась. Кирдеде мельсэ, ютавтовиця мероприятиятне тонавтомань!

Республикань Прявтось вастовсь Юрий Полобичев специальной военной операциянь ушманонть, СВО-нь ветерантнэнь Ассоциациянь координациянь Советэнь прявтонть марто (эрзя)

Кортамось мольсь боевой действиятнень ютавтомань таркасо улиця боецтнэнень республиканть пельде лезксэнь максомадо. Юрий Полобичев пачтизе республикань Прявтонтень сёрманть, конасонть Мордовиянь чачозетне – Курск ёнксонь идицятне ёвтасть сюкпрянь валт региононть пельде гуманитарной лезксэнть кис. Теке марто, Артём Здунов ды Юрий Полобичев ваннызь специальной военной операциянь геройтненень кеврунгонь эскизтнэнь. Тешкстасынек, памятникесь тедеде стявтови Саран ошонь Изнямонь куншкакуросо.