Даволковонь 19-це чистэ 11 чассто «Россия» Раськень куншкакуросонть юты «Регион-2030» тематической программанть лувсо Мордовия Республикань Прявтонть марто панжадо кортамо, конась алтави региононь виевгавтомантень (эрзя)

Вастовоманть лувсо Артём Здунов ёвтни лия ёнов а молиця проекттнэде, конат лездыть экономикань виевгавтомантень. Башка мель явови региононь кудораськень политикантень: эйкакш марто кудораськетненень социальной лезксэнь явомань тевтненень, истя жо Мордовиянь эрямонь од программантень, республикасонть иень перть од ломантнень тонавтомань куншкакуронь теемантень, истя жо специальной военной операциянь участниктненень ды ветерантнэнень лездамонтень.

Республикань Кудса ётась расширеннай коллегия, ков кочксевсть Минстройсь, Минэнергось, ЖКХ-сь и тарифнень коряс Госкомитетсь (мокша)

Течи ушодовсь Мастянь таргось, кона поладови 22-це чис (эрзя)

Недлянь эрьва чинть ули эсензэ лемезэ. Саемга, течи – сон вастома. Покшчинтень вейсэндявить раськень эрьгелематне ды кудораськень койтне.Ломантне кенярдыть, яксить инжекс, кирякстнить пандо прясто, якить наймантнэс, прявтось – каванямс раськетнень, малавикстнэнь пачалкседе ды парсте ютавтомс эрьгелемачинть. Эрзянь ды мокшонь культурасонть пачалксетне лововсть норовонь ды паро эрямонь тешксэкс: сынст кругловой формась сюлмазель чинть марто, а сырнень […]

Саранскойсэ юты телень дрифтэнь Мордовиянь Кубокось (эрзя)

Даволковонь 15-це чистэ «Старт» стадиононь эень трекентень зярыя регионсто лисить участниктнень 30 ламо машинат. Кармить пелькстамо Йошкар-Олань, Пензань, Нижней Новгородонь, Ульяновскоень ды Саранскоень спортсментнэ. Ваныцятнень туртов анокстави фуд-кортонь зона ды Саранскоень шкинемань коллективтнень пельде оймсемань программа, истя жо ретро-машинань выставка. Ардоматнень ушодомась 14 чассто саезь, стадионось панжови 13 чассто.

Пертьпельксэнть ванстомга (эрзя)

Мордовия республикань 2 эрицятне изнясть 2026-це иень Президентэнь пертьпельксэнь фондонь пелькстамонь омбоце пелькссэнть. Грантнэс явозь 5 миллиондо ламо целковойть. Пелькстыцятне: Евгений Лобачев “Биологическое разнообразие водных беспозвоночных животных бассейнов рек Мокша и Сура» ды Михаил Есин «Биологическое разнообразие двукрылых Приволжской возвышенности» теварсевкстнэнь марто. Изницятненень мереви кундамс эсь проекттнэнь топавтомантень эйзюрковонь 1-це чистэнть саезь.

Ковылкинасо одкстомтызь авань консультациянть (эрзя)

«Кудораське» раськень теварсевксэнть лувсо Ковылкинань буень пичксема кудонть юрсо панжовсь авань одкстомтозь консультация – сы шкань аватненень лездамонть ды аватнень репродуктивной шумбрачист ванстоманть туртов неень шкань тарка. Ней тесэ медицинань неень шкань мебель ды оборудования, УЗИ-нь, функциональной диагностикань, психологической ды медико-социальной лезксэнь нупальть. Ули экспертэнь классонь УЗИ-сканер ды эйкакшонть ёжонзо мельга ванномань КТГ аппарат. Консультациясь […]

Понань кемсэ хоккей тейтерьавань командатнень ютксо ютась течи Дубёнкань буень Ломаты велесэ (эрзя)

Алтызь пелькстамотнень Шумбрачинь иентень. Налксемасо ёрокчист невтизь Дубёнкань буень Культурань кудонь, Дубёнкань буень ловнома кудонь, Кочкур велень, Ломаты велень поселениянь командатне. Спортонь покшчиде мейле весень каванизь пси чайсэ раськень каванямка марто ды тантейдеяк тантей пловсо!

Изнямо марто! (эрзя)

Самара ёнкссо ветецеде ютась «Волжская метелица – ХХI век» морамонь раськеютконь пелькстамо. Сыцятнень ютксо – Россиянь эрьва кодамо регионсто морыцятне ды морокуротне. Весе сынь виевстэ невтизь эсь шкинемаст. Истя, 1-це степенень лауреатокс кармась Самара ошсто Злата Учайкина. 14 иесэ эрзянь ёроков морыцясь сеедьстэ ульни ламо пелькстамосо ды сайни изнямонь таркат.

Россиянь Федерациянь Общественной палатасо ютась Россиянь Общественной палататнень советэнь одс кочказь президиумонь васенце промкс (эрзя)

Рифат Сабитов ВГТРК-нь генеральной прявтонь полавтыцясь – ВГТРК-нь Региононь департаментэнь прявтось; Россиянь Федерациянь Общественной палатань информационной сообществань, СМИ-нь ды массовой коммуникациянь кастомань коряс комиссиянь прявтось тагояк совась Россиянь Общественной палататнень Советэнь од Президиумс.