Кировсо ютавтовсь Равчирень федеральной округсо «Гордость нации – 2026 ” весе Россиянь VII-це премиянь округонь этапось (эрзя)
ПФО-нь субъекттнэстэ 26 изницятненень максозь казнеть Россиянь раськетнень этнокультурной виевгавтомантень ды вейсэндявомань кемекстамонтень путовксонть кисэ. Равчирень федеральной округонть пельде «Гордость нации – 2026» премиянтень весемезэ састь малав 350 яволявтомат.
Премиянть учредителесь – «Россиянь раськетнень ассамблея» весе Россиянь общественно-государственной организациясь. «Лучшие этнопрактики» номинациясонть изнясь Мордовия Республикань А.С. Пушкин лемсэ Раськень библиотекань прявтось Анастасия Бакулина. Жюрис совицятне макссть покш питне “Возрождение” проектэнтень – кудораськень койтнень ванстомань коряс просветительской фестивалентень, конась топавтозь Россиянь культурань фондонть грантонь лезксэнзэ вельде. Национальной библиотеканть юрсо ютавтовсть од ломанень 14 вастовомат койтнень одкстомтомаст, мастер-класстнэнь ды пусмонть нолдамост марто. Те практикась пек эряви тонавтыцятненень ды культурань специалисттнэнень койтнень вельмевтеманть туртов.
«Родные языки народов России» номинациясонть II-це тарканть изнизе Анатолий Алямкин, Ковылкинань краеведениянь музеень прявтось, Мордовия Республикань культурань заслуженной важодицясь. Анатолий Ивановичень проектэсь аравтозь Мордовия Республикасо эриця раськетнень культурань ды келень сюпавчист ванстомантень ды кастомантень.