9 декабрьсь – Отечествань Героень Ши (9 декабря – День Героев Отечества) МОКША
Тя шиня военнай и трудовой подвигонь мемориальнай музейса етафтовсь круглай шра вакс «Герои Отечества» лем ала. 2007 кизоста сявомок Россияса 9 декабрьста отмечави Отечествань Героень Шись. Етафневи лама эрь кодама илада,конатнень пингста лятфневихть Мордовияса шачф Геройхнень лемсна. Советскяй Союзонь Герой – тя инь оцю званиясь, конац кемокстафоль 1934 кизоня. Кой-мзяра пингта меле кармасть макссема «Зрнянь Звезда» медальть эса. Тя оцю наградаса казендевсть военнай заслугатнень инкса. Семботь тянь квалма эряви содамс од поколенияти, сяс мес синь эздост ащи ся,кодамкс кармай вандыень шись и эряфсь масторлангса.
Советскяй Союзонь Геройкс Великай Отечественнай войнать пингста арасть кефкие тежяньда лама ломань. Еткстост 108 республикастонк. Аф юкснемат и ся геройхне,конат тюрсть Афганистанца, Севернай Кавказса. Отечествань Героень Шись – тя и синь шисна. Тяда башка, пуромксса азфоль, што фалу, сембе пинкнень, мяляфтома трудовой фронтса покодихнень квалма. Вдь синьфтемост афоль уле кодамовок сяськома.
Тяка жа шиня музейса панчфоль выставка «Гордимся Героями» лем ала. Тяса няфтьфтфт фотографият и документт эрь кодама пингонь Геройхнень квалма: Георгиевскяй кавалерхнень, Советскяй Союзонь и Россиянь Геройхнень, конат шачсть-кассть минь республикасонк.