Юбилейнай книгатне (МОКША)
Мокшень и эрзянь кяльса нолдаф книгатнень лувити ули кода мумс краеведческяй и национальнай литературань отделса. Тяса ванфтовихть нльне шуроста васьфневи изданиятне. Кепотьксонди, улихть книгат, конатненди тядде топоди кодгемонь киза. Библиотекаса покодихненди эрь шиня сашендови работамс книгатнень и лувихнень мархта. Ломаттне вешендихть эрь кодама информация, кона лезды тонафнемаса, шачема ширеньконь сяда лац содамаса. Сидеста ётафневихть библиотекаса аф эсь лацонь илат, конат шарфнесазь ошень эряйхнень мяльснон книгати и лувомати. Книгась — тя содамошинь арзяня. Тяниень пингть лама компьютернай технологияда, но печатлаф изданиясь лядонды кельговикс лувихненди. Уленди станевок, што аф сембонь мусак Интернетть вельде. Сяс и сашендыхть ломаттне библиотекав, коса ванфтовихть нльне кодгемонь кизода инголе нолдаф книгатне.