Йовлань Олонь ледстнемга! (ЭРЗЯ)
Музыкантонть, фольклористэнть Владимир Ромашкинэнь кулома чистэнзэ Кочкуровань ёнкссо, сонзэ этно-кудонть вакссо, панжозель кеврунго. Малавиксэнзэ, раськензэ, ялганзо лецтизь те содавикс ломаненть лемензэ. Теманть поладсынек седе тов репортажсо. Йовлань Олонь лемсэ этно-кудонть перька таркась умок кармась ламо покшчинь ютавтома таркакс. Ульнесть тесэ ломанть ламо Россиянь регионтнэстэ ды мик омбо мастортнэстэяк. Этно-кудонть вакссо аштесь лия кеврунго. Ансяк шканть марто сонзэ савсь полавтомс. Теизь кеврунгонть скульпторось Николай Филатов Александр цёранзо марто. Панжома чистэ Кочкуровань моданть лангсо пурнавсть сеть, кие содылизе музыкантонть. Кезэрень коень коряс те покшчись панжовсь штатолонь кирвастемасо ды фольклористэнть, «Торама» ансамблянь пурныцянть, лемень кундамосто. Ламо лембе валт сондензэ гайгсть те чистэнть.