Ветеранонь Советть заседанияц Ельникса. (МОКША)
Васендакиге заседаниянь участникне васедсть райононь оцюнять Юрий Бекешевонь мархта. Сяльде марса ванозь «Ельниковскяй ДСПМК-ть». Ваномок производствать, делегациясь арась содафокс первичнай ветеранскяй организациять работанц мархта. Предприятиять оцюнянза сембе ширде лездыхть ветераттненди: ётафнихть благотворительнай эрь кодама акцият, аф кадондсазь апак ватт сембе эняльдемаснон. Сяда тов программать коряс ульсь Новоямская слобода велесь, коса инжихненди удалась ваномс велень краеведческяй музейть и корхнемс тястонь ветеранонь Советть тевонзон колга. Тяса велень оцюнять вельде синь старандайхть лездомс сембонди. Районть мархта содамась поладовсь Ельникань краеведческяй музейса. Музеень покодихне тяфта жа кирдихть соткс ветеранонь Советть мархта. А ЗАГСонь районнай отделса инжихненди морась ветеранонь хорсь. Ашесть ёта вакска заседаниянь участникне государственнай и муниципальнай услугань максомань многофункциональнай центрать вакска. Итокнень азозь ветеранонь Советть заседанияса. Ульсть кулцхонтфт Советонь районнай отделениянь вятиснон докладсна. Корхтамста сембе шарфнезь мяльснон Ельникавонь сатфксненди. Оцю программась лездсь участникненди содамс сянь, кода вятеви марстонь работась ветераттнень и оцюнятнень. Сонь целец — тиемс ветераттнень эряфснон сяда цебярькс. Эряви азомс, Ельниковскяй районть эзда ули мезти тонафнемс.