Весероссиянь раськень фронтонь активистнэ ванызь Саранск ошонь эйкакшонь налксема таркатнень. (ЭРЗЯ)

Весероссиянь раськень фронтонь активистнэ сеедьстэ пачтить кудотнень вакссо эйкакшонь ды спортивной налксема таркатнень аволь парсте кирдемадост. Саранск ошонь администрациянь важодицятнень марто ОНФ-нь сотрудниктне ванызь ошонь эйкакшонь площадкатнень. Истямо мониторингень ютавтомась лезды ливтемс лангс сеть асатыкстнэнь, конат улить эйкакшонь налксемань таркатнесэ. Истя Саранск ошонь куншка куросо ванкшнозельть зярыя налксемань таркат. Целанек пурназь сынь видетсэ ды кирдевить парсте. Кандовить сынь аволь умок кепедезь кудотненень, тосо ули весемесь эйкакштнэнь парсте шкаст ютавтоманть туртов. Мезе а саты неть налксемань таркатнесэ — те видестэ прянь ветямодо сёрмадовкстнэ. Володарскоень куронь 7 кудонтентень кандовиця эйкакшонь налксема таркасонть весе пелькстнэнь умок эряви полавтомс. Неяви, мельганзо арасть ваныцят, умок апак витне, апак арто, апак уряда. Саранск ошонь эрицясь Александра Дорофеева нуцьканзо марто а вечкить ютавтомс шка те площадкасонть. Тесэ налксемскак а косо истямо вишка эйкакштнэнень — чуваронть лангсо умок касы тикше, нурсематнес пелят озамс! Мониторингесь невсть — Саранск ошонь эйкакшонь налксема таркатне целанек кирдевить парсте. Сынст витнемаст, путомаст мельга ошонь администрациянь представительтне товгак кармить седеяк пштистэ ваномо. Кода пачтязель тенек, ошонь кудотнень перька территориянь витнемас явозельть 55 миллионт целковойть.

Комментарии

Комментариев нет.

This blog is kept spam free by WP-SpamFree.