Весемасторонь студентэнь чи! (ЭРЗЯ)

Сундерьковонь 17-це чистэ тешкстви Весемасторонь студентэнь чись. Те датантень студентэнь марто ютавтовить ламо мероприятият, вастовомат содавикс ломань марто. Те датась кочказель а стяко. 1946-це иестэ, Ине отечественной войнадонть мельга, Прагасо ютавтозель студентэнь конгресс. Те собраниясь кандсь лувсонзо покштояк покш смусть. Тосо ёвтнесть сеть зыянонь тевтнеде, конат мольсть Чехословакиясо, сонзэ войнань ушодкссто сеск саизе немецко-фашистской Германиясь. Сестэ маштозельгак Ян Оплетайло. Кото иес студенчествась Чехословакиясо маштозель, кода класс. Гитлер теизе весементь, штобу масторонь высшей тонавтома таркатне улевельть пекстазь. Студентэнть Ян Оплетайлонь лемезэ, конась ве чис теевсь раськень героекс, сюлмавозель од ломанень демонстрациятнень марто, конат ютасть 1939-це иень ожоковонь меельце читнестэ. Демонстрантнэ сестэ арсесть парсте тешкстамс эсест масторонть, Чехословакиянть, чачома чинзэ. Оккупантнэ акциянть аволь ансяк лоткавтызь, но и маштызь Оплетайлоньгак. Калмамстонзо вузонь студентнэ ды тонавтыцятне ютавтсть каршо молемань акцият. Зярыя чинь ютазь веенст студентнэ маштозельть, лиятне панезельть концлагерев.

Комментарии

Комментариев нет.

This blog is kept spam free by WP-SpamFree.

Главное сегодня