Ванстынк прянк гриппте! (ЭРЗЯ)
Эксперттнэнь ловомаст коряс ютазь иень гриппесь кандсь масторонтень экономикань коряс зыян 450 миллионт целковойс. Иеде иес Минздравось максы ломантненень кармавтома ютамс вакцинация. Минек регионсо гриппень каршо иммунизациясь уш ушодовсь. Таргодо теде икеле ошонь эйкакшонь 2-це номер поликлиникантень састь 3 тежат дозат вакцина. «Гриппол+» кото ковсто саезь 6 иес эйкакштнень туртов. «Ультрикс» — седе покштнэнень. Таргонь перть прививка путозь уш нилесядт колоньгемень ниле эйкакшнень. Стакачикс кадови тетятнень-аватнень ёндо вакцинациядо отказамось. Медиктне кемевтить – препараттнэ а кандыть зыян. Умарьковсто саезь ошонь весе поликлиникатнесэ иммунизация ютыть покштнэяк. Республикась рамась 90 тёжат дозат вакцина покштнэнень ды 33 тёжадо ламо – эйкакштнэнень. Арсеви прививкат путомс 320 тёжат ломаннень, 50 тёжадо ламотне уш ютызь иммунизациянть. Гриппте прянь идемга эряви пшкадемс эрямо таркань коряс поликлиникас. Роспотребнадзорсо тешкстыть, ютазь иестэ гриппте 9 кулыцятненень прививка путозь арасель. Правительствасо пшкадить роботань максыйтненень рамамс коллективтнень лангс вакцина. Гриппень эрьва иень коволонтень кадовсть 3 ковдо аламо.