Ванстсынек прянок грипп орманть эйстэ! (ЭРЗЯ)
Мордовиясо ушодовсь гриппень каршо вакцинациясь. Весемезэ, МР-ва Роспотребнадзоронь Управлениянь пачтямонть коряс, те иестэнть гриппень каршо прививка арсеви путомс 325 тежат ломаннень, сынст ютксто 75 тежатне эйкашт. Ледстясынек, ютазь иестэ гриппте прививкат путозельть Мордовиянь 242 тежат эрицянень. Эйкакштнень ютксо иммунизациянь ютавтомга республикас федеральной бюджетэнь ярмактнень лангс карми пачтязь Гриппол плюс вакцинась. Республикань бюджетстэяк арсеви явомс 3 миллионт 900 тежат целковойть грипптне вакцинань 20 тежат дозань рамамос. Те весе эйкакштнень иммунизацияс. МР-ва Роспотребнадзоронь Управлениясь терди ломантнень ванстомс эсь прянть ды эйкакштнень гриппсэ стакасто ормалгадоманть эйстэ. Тешкстасынек, прививкась путови эрямо таркань коряс поликлиникасо.