Умарьковонь 17 ды 18 читнестэ юты РФ-нь Госдумас ды МР-нь Госсобранияс депутатонь кочкамодонть икеле эфирэнь шкань ды печатной площадень явоманть коряс жеребеень каямось. (ЭРЗЯ)
Умарьковонь 17-це чистэ 10 чассо «Мордовия» ГТРК-нь кудосонть карми ютавтозь жеребеень каямо. Сонзэ коряс явови политической партиятнень ды зарегистрированной кандидаттнэнь ютксо питнень пандозь эфирэнь шкась, конань Россиянь Федеральной Собраниянь Государственной Думань сисемеце созывень ды Мордовиянь государственной Собраниянь 6-це созывень депутаттнэнь кочкамотнень пингстэ яви «Мордовия» ГТРК-сь.
Умарьковонь 18-це чистэ 11 чассо Республикань Госсобраниянь заседаниянь залсонть юты жеребеень каямонь процедурась, косо явовить РФ-нь Госдумас депутатонь кочкамо шкастонть печатной площадьтне ды телерадиоканалтнэсэ питневтеме эфирэнь шкась. А 14 чассо юты жеребеень каямось МР-нь Госсобраниянь котоце созывень депутатонь кочкамо шкастонть теле ды радио эфиртнэсэ питневтеме шкань явомань коряс.