Течи тешкстави шкадо икеле чачозь эйкакшонь чи! (ЭРЗЯ)

Сундерьковонь 17-це чись ловови шкадо икеле чачозь эйкакшонь раськеютконь чикс. Сон ладязель 2009-це иестэ ансяк чачозь эйкакштнэнь мельга ваномань Европейской фондонть мелензэ вельде. Статистикань коряс эрьва ие планетасонок малав 15 миллионт эйкакшт чачить шкадо икеле, те чачозь эйкакштнэнь эйстэ эрьва кеменцесь. Миллиондо ламотне кулыть чачомадо мельга, ламотне эрямост перть сэредить эрьва кодамо стака ормасо.