Те иень ипотекань субсидированиясо процентной ставкань полавтовомадо. (ЭРЗЯ)

Вейсэнь доходось, эрицянть лангс эрямо таркань площадесь ней а саевить мельс социальной выплатань явомсто. Теке марто государстванть пельде лезксэсь кредитэнь весе иетнень коряс максови башка лувонь кирдезь. Эрицятнень категориянь спискась, конатненень процентэнь ставкань карми велявтовомо, седе кайсь. Сынст туртов улить вейсэнь вешевкст. Васенцесь — те программась тевс нолдави, бути кредитэсь максозель ютазь иень медьковонь кавксоце чистэ саезь 2016-це иень ацамковонь 31-це чис. Омбоцесь — рамавиця эрямо таркась ашти Мордовиясо ды сонзэ лангс ули целевой кредитэнь договор, конань коряс заёмонть ды процентнэнь эряви пандомс эсь шкасто. Колмоце условиясь – эрямо таркань вейке квадратонь питнезэ улевель 44 тёжадо аволь седе ламо, а сонзэ коряс процентэсь улезэ 12 аволь ламо. Сынст эйстэ вететнень пандсынзе рамицясь, а кадовозтнень — республикань бюджетэсь. Неть социальной пандоматне явовить зярыя учреждениясто. Од кудорасьветненень явовить од ломанень тевень коряс комитетэнть вельде. Лиятненень эряви пшкадемс эрямо таркань коряс социальной защитань учрежденияс. Тень марто важодемань таркань максыцятненень эряви аштемс учётсо республикань налоговой органтнэсэ, а претендентнэнень эряви свалшкане эрямс Мордовиясо. Те а кандови ансяк сетненень, кие важоди наукаёмкой проектэнь сферасо. А сетненень, кинень социальной выплатась уш максозель, истямо кредитэсь а явови. Те иень ушодовомсто 541 кудораське уш пшкадсть социальной защитань учрежденияс истямо эрьва ковонь пандовксонь коряс. Аламодо лиякс тевесь ашти «Обеспечение жильём молодых семей» программанть коряс. Тетятнень-аватнень иест улезэ 35 иеде аволь седе ламо. Эрямо таркань а улемась — прявт условиятнень эйстэ вейкесь! Мельс саеви сеяк, што икелень эрямо таркасо эрицянть лангс улевель кемкавтово пель квадратной метрат аволь седе ламо. Субсидиянь процентэсь сеть кудораськетнень туртов, кинь улить эйкакшост седе покш. Истяжо васенцетнень ютксо сеть, кинь ламо эйкакшост ды сеть, кие кармась программань участникекс 2005 иень эйзюрковонь васенце чис. Эряви меремс, субсидиянь явомань коряс Мордовиясь весе регионтнэнь ютксо ашти котоце таркасо. А те иестэ социальной выплатань коряс сетрификатт максозельть 614 од кудораськетненень.

Комментарии

Комментариев нет.

This blog is kept spam free by WP-SpamFree.