«Сырнень сёксень» цётамотне. (ЭРЗЯ)
Московсо прядовсь масторонь агропроизводителень сех покш форумось. Мордовиясь те «Сырнень сёксенть» ютавтызе пек лезэвстэ. Выставкас сыцятне эзть юта минек стендэнть вакска, варчнесть невтезенть. Янксесть, мекс сынь а миевить. Те асатыксэсь витезь, Мордовиянь предприятиятне сермадсть ламо договорт миемань сетьтнень марто. Редявсь те невтевкссэнть минек телерадиокомпанияськак, Весероссиянь пелькстамосо казне сайсь минек коллеганок Иван Феськов. «Сырнень сёксентень» а стяко максозь масторонь сех покш агропромышленной выставкань статусось. Аволь вейке кемень тежат кавонзазь метрат, сядот тежат ломнать. Регионтнэ дивавтыть кие кода машты. Веенст — жив калсо, омбонст — спецтехникасо. Мордовиянь стендэсь, кода свал сех неявикстнэнь эйстэ вейкесь. Варчамонь кисэ керсезь сырась ды колбасась туить сеске. Эрьва предприятиясь, нама, анокстась невтевксэнтень. Тесэ, кода свал, ютавтовсь од продуктонь презентация. Лия предприятиятне роботыть — весе одось, те умок стувтозесь, формуланть коряс. Мордовиянь стендэнть вакска эзть юта и Россиянь Минсельхозонь прявтонь васенце полавтыцясь Джамбулат Хатуов ды Перезидентэнь лездыцясь Алексей Фурсенко. Чиде теде икеле минек пармезанонтень путсь питне премьерэсь Дмитрий Медведев. Выставкасонть сёрмадстозь ламо договорт сетевиктнень марто. Мордовиядонть «Сырнень сёксьсэнть» паро валт гайгсть и минек телерадиокомпаниянть вийсэ. «Мордовия» ГТРК-нь корреспондентэсь Иван Феськов кармась изницякс информационно-просветительской проектэнь весероссиянь пелькстамосо. «Развитие малого бизнеса на селе» номинациясонть колмоце таркань кисэ дипломось сась Саранскоев.