Сынст подвигест ванстови пингес! (ЭРЗЯ)

Волгоград ёнксонь Городищенской райононь Россошинань военно-мемориалной калмазырьсэнть Волгоградонь поисковиктне калмизь Мордовиясто пулеметчикенть Иван Ротановонь уловонзо. Одс калмамонзо сакшность Южно-Сахалинскойстэ раськензэ. Иван Ротановонь муизе Оренбургонь вешнемань отрядось. Чачома ёнксозо МАССР-нь Козловской райононь Инелей велесь. Од шкасто саезь церась ардтнесь эрьва кува, ульнесь паро столярокс. Кудораськесэнзэ течинь чис ванстыть ве эскевтемеяк сонзэ кедьсэ теевкс горобиянть. Ламо мель явсь музыкантень, сонсь тейнесь балалайкат, парсте морась ды сермадсь нурька морот. Еще эйкакш порасто сонзэ лоткась марямодо вейке пилезэ, секс фронтов эйсэнзэ эзть сае. Но сон, ловт эрьва чи, якась военкоматов, косо кемевтсь, что беряньстэ марямось военной тевентень а меши. Бажамозо топавтовсь, 1941-це иень панжиковонь 30-це чистэ саезель служамо. Ульнесь пулеметной расчетонь омбоце номерэкс, маштовсь Сталинград ошонть идемстэ.

Комментарии

Комментариев нет.

This blog is kept spam free by WP-SpamFree.

Главное сегодня