Степан Эрьзя лемсэ изобразительной искусствань музейсэнть панжовсь «Единство непохожих» лементь ало выставка.(ЭРЗЯ)

Эсест роботаст тосо невтить Россиянь художникень шкинемань вейсэндявксос совицятне. Живопись, графика, керамика ды ламо мезе лия невтеви те лия ёнов а молиця выставкасонть. Россиянь художникень шкинемань вейсэндявксос совить малав 15 тёжат живописецт, скульпторт, дизайнерт, архитекторт, декоративно-прикладной искусствань мастерт РФ-нь 47 регионсто. Мордовиянь региональной вейсэндявксось пурназель 1993 иестэ. Ней сонзэ эйс совить 22 Мордовиянь шкинемань ломанть. Экспозициясо малав 40 жипописень роботат, парсей ланга артозь картинат, книгань, художественной дизайнань проектт ды 50-де ламо художниктнень-керамистнэнь произведеният. Сюпав выставкась темань коряскак: те натюрморт, пейзажт, портретт, абстрактной композицият, декоративной произведеният, конат теезь эрьва кодамо техникасо. Тешкстасынек, те вейсэндявксос совицятнень выставкатне пурнавкшныть республикасонок аволь сеедьстэ. Секскак, кинь ули мелензэ неемс те мазычинть, капшадо. Выставкась карми роботамо эйзюрковонь 13 чис.

Комментарии

Комментариев нет.