Саранскойсэ роботы православной невтевкс-ярмунка. (ЭРЗЯ)

Мордовияв Крымстэ ускизь святителенть Лука Войно-Ясенецкоень мощанзо. Епископось кандови Россиянь чудотворецтнэнь юткс, конат максыть лезэ нужачисэ эрицятненень. Пшкадить сонензэ стака ормасо сэредицятнеяк. Свалшкань выставкась те иестэнть алтави Адмиралонть Феодор Ушаковонь канонизациянь кеветее иетненень ды Саранскойсэ кафедральной соборонть, кона кантни сонзэ лементь, кемень иетненень. Саранскоень ды Мордовиянь митрополитэнть Зиновиень баславамонзо ды Кирилл патриархонть мереманзо коряс святынясь пачтявсь те выставкантень. Лука Крымскиень мощатне Симферополень Свято-Троицкой авань монастырьстэнть сайневить пек чуросто. Лука Крымский святителенть лемезэ Мордовиянть марто сюлмазь кеместэ. Минек республикасонок сон важодсь хирургокс Орданьбуе ошсо. Содавикс врач, сон тейнесь пек стака операцият. Куломазонзо вейсэндясь ломанень лецямонть архиереень тевтопавтоманть марто. Кемицятне вешить сонзэ пельде шумбрачи. Ловови, што святоесь лезды стака ормасо сэредицятненень. Саранскойсэ мощанзо кармить православной выставкань прядовомс, умарьковонь комсьвейксэеце чис. Седе тов ковчегесь кавто недлянь перть кармить пачтязь Мордовиянь зярыя храмтнес.

Комментарии

Комментариев нет.

This blog is kept spam free by WP-SpamFree.

Главное сегодня