Саранск ошсо юты фигурной кирякстнемань юниортнэнь ютксо Гран-принь 4-це этапось! (ЭРЗЯ)

Саранск ошсо ютыть фигурной кирякстемань коряс меельце 4 иетнень перть сех покш пелькстамотне – юниортнэнь ютксо Гран-принь 4-це этапось. Сех паро фигуристнэ невтить пряст региононь прявтошонь эень аренанть лангсо. Истямо лувонь раськеютконь пелькстамотне Мордовиясо ютавтовить а стяко. Регионось уш ульнесь покш пелькстамонь ютавтома таркакс. Ютазь иестэ республикасонть мольсть «Челенджер» сериянь раськеютконь пелькстамотне. Юниоронь Гран-прись – те спортсмент, конатненень кемнилее иестэ саезь комсь вейкес. Саранскойсэ ютавтовиця этапсонть виест варчасызь ськамост ды парасо кирякстнициятне. Участниктне – колоньгемень кавто масторсто, конатнень ютксо Австралия, Корея, США ды Япония, фигурист. Тешкстасынек, Мордовиясо ютавтови Гран-принь сериянь нилеце этапось. Весемезэ эйстэдест сисем. Сынь ютыть эрьва кодамо масторсо. Саранскойденть мельга кармить Любляна, Таллин ды Дрезден. Пелькстамонь цетамотнень коряс кочкасызь сех партнэнь. Финалось карми молеме Парижсэ.

Комментарии

Комментариев нет.

This blog is kept spam free by WP-SpamFree.

Главное сегодня