Саранск ошсо панжовсь 240 таркас эйкакшонь кужо. (ЭРЗЯ)

Эйкакшонь кужонть панжизе МР-нь Прявтось Владимир Волков. Объектэнть питнезэ сядо сизьгемень кавксо пель марто миллионт целковойть. Сон стявтозь республикань ды муниципальной бюджетэнь ярмактнень лангс. Мордовиянь Прявтось поздоровонь евтамсто яволявтсь, што Саранск ошсо дошкольной образования максови сядо процент эйкакштнэнень, конатненень колмо иестэ саезь сисемс. Ошонь округонь территориясо роботыть 70 школадо икелень тонавтомань организацият. 2012-це иестэ саезь республикасонок стявтозь 52 эйкакшонь кужот. Мордовиясо тееви весемесь конкурентоспособной од ломанень кастомга. Владимир Волков видькстась – шкатне ней стакат, но республикань кирдивийтне теить весементь экономикасо стакачитнень изнямга. Меельцекс Мордовиянь Прявтось казсь эйкакшонь кужонтень мультимедийной налксемань лабораториянь рамамс сертификат.

Комментарии

Комментариев нет.