РФ-нь Президентэнть Указ Мордовиянь судебной приставонтень Геннадий Майоровнень медалень максомадо. (ЭРЗЯ)
Россиянь Президентэсь Владимир Путин сермадстсь Указ «За спасение утопающих» медальсэ Мордовиянь судебной приставонь службань сотрудникенть Геннадий Майоровонь каземадо. Иеде теде икеле цёрась таргась ведьстэ 6 иесэ ваиця тейтерне. Ютазь иень панжиковонь меельце чистэ, сон макссь тейтерькантень омбоце эрямо. Покштянзо марто, эйкакшкесь экшелять лейсэ. Сыре ломанентень теевсь берянь ды сон тусь ведь потс. Тейтерькаськак кармась ваямо. Геннадий Майоров те шкане лей чиресэ кунтнесь калт, маринзе пижнематнень. Апак кавтолдо кирнявтсь ды таргизе эйкакшонть ведьстэ. Ютазь иестэ судебной приставось казезель Россиянь МЧС-нть пельде «За спасение погибающих на водах» медальсэ. Захаровтнень кудораськесь а стувтнесы те паро тевенть. Вишка Иринась свалшкане гайневтни идицянтень.
Мордовия республикава судебной приставонь федеральной службань управлениясо пачтясть — медаленсь сонензэ максови маласо шкасто.