Республиканскяй идень музыкальнай школа-интернатсь анок тонафнемань од кизоти (МОКША)
Курок странаньконь сембе тонафнемань учреждениятне панчсазь кенкшснон шабатненди. Васьфтсыне смузю иттнень и республиканскяй идень музыкальнай школа-интернатсь. Тяса анокт и тонафнемань классне, и эряманди комнататне. Республиканскяй идень музыкальнай школа-интернатть прянь шнама вастоц — тя выпускниконза. Ламоц Мордовиянь содаф артисттне и композиторхне васенце аськолкснень музыкаса тиезь тяса. Эряви азомс, интернату шабатне кочксевихть марнек республикаста. Тонафнемань од кизось — тя од мяльхть-арьсемат маластонь пингти. Музыкальнай школа-интернатть преподавателенза надияйхть иттнень асушиснон кемокстамс и виияфтомс. Ваномок шабатнень сатфкснон лангс, сашендат мяльти, што тя теест удалси.