Региононь Прявтось ютавтсь пресс-конференция. (ЭРЗЯ)

Владимир Волков ёвтась сюкпря весенень, кие пурнась ды ютавтсь кочкамотнень: ваныцятненень (сынст эйстэ эрьва участкасонть ульнесть 10-де аволь седе аламо), центральной ды территориальной комиссиятненень, кирдивийтненень, правоохранительной структуратненень, медиктненень, массовой информациянь средстватненень ды кочкицятненень, конатневтеме кочкамонь ютавтомасонть а улевель кодамояк смусть. «Кочкамотне ютасть сэтьместэ, неявиксстэ, лувонь апак кола» — тешкстызе региононь прявтось. Явкась 79,43 % — Россиясо сех покштнэнь эйстэ вейкесь. Участкатнесэ ульнесть очередт, секс мекс ломантнеде, конат анокольть топавтомс гражданской долгонть пек ламоль. Владимир Волков тешкстызе, ней эряви явомс мель кармавтоматнень лангс, самай теньсэ депутатнэнь роботамонь смустест. Экономикань ды социальной кевкстематне сынст роботасо арватовить васенце таркас. Региононь Прявтось учи депутатнэнь пельде кармавтоматнень, конат кармить Госсобраниянтень Мордовиянь Прявтонть пшкадемань юрокс, топавтома. Ёвтама, Рав кужосо кочкицятнень самонь коряс икельце тарканть минек регионось явизе Татарстанонть марто. Ледстясынек, кочкамонь цётамотне кармить яволявтозь пецясто.