Прявтошов – од рейссэ! (ЭРЗЯ)
Саранскоень аэропортось теи региононь эрицятненень паро тев: ещё вейке авиаперевозчик пачти Московов ды мекев аволь покш питнень кис ды паро шкасто. Менельсэ АН-24 самолётось ютавтсь ниле пель марто тежа част. Ней ещё колмос седе ламо. Пассажиртнэнень содама, кие менельсэ кирди вал эрямост кис. Сергей Иванов – малав комсь вете иеть АН-24 самолётонь экипажонь командир. Кенярдовты, тиринь самолётозо карми топавтомо свал шкань рейст. Од рейсэнь пассажиртнэнь ютксо Саранскоень аэропортонь прявтось. Михаил Берман капши пачтямс, ташто самолётось анок эрьва чинь ливтямотненень. Пачтясынек, прявтошов ды мекев рейстнэ топавтовить недля ютксто. Валгомась — Домодедовасо. Тосто – маршрутт и лия оштнэва. Тарифесь — 3000 целковойстэ саезь. Шкаськак ливтямос — пек паро. Зярс ламот а содыть од рейсэнь нолдамодо. Московсто ды мекев чокшнень ливтямодо башка од перевозчикесь яволявты альтернативадо — рейстэ, кона ливти валскестэ, мезесь пек паро ламонень.