Пресс-конференциясь Пенсионнай фондса (МОКША).

Стака экономическяй пингть мяльс сявомок, Россиянь Правительствась примась решения кафта тёжянь кемзисемгоце кизоня январьста сембе пенсионерхненди максомс вете тёжянь цалковай. Тянь вельде удалай компенсировандамс тяддень кизоть лядыкс кофнень инкса мелямбань инфляциянь показательхнень и кафта тёжянь кемготувоце кизоня февральста ётафт индексациять ёткса аф фкя лацонь ширть. Ярмаксь максови нильгемонь колма миллионть малава, а Мордовияса — кафта сятт ведьгемонь ниле тёжянь сисем сятть малава пенсионерхненди. Арьсефть пяшкодемс эрявксты кафта сятт миллиартта лама цалковай, тяконь лувксса Мордовияти – фкя миллиард кафта сятт сизьгемонь миллиотт цалковай. Ярмаконь максомать коряс решениять эряфс сувафтоманцты кармай аноклаф федеральнай закон. Кафта тёжянь кемзисемгоце кизоня пенсиянь индексациясь кармай ётафтовома планц коре. Тяфтама ярмаконь максомась кармай аньцек весть. Сон арьсеф кода социальнай лезкс и аф сувси пенсиять лувксс.