Пекставсь «Кияк апак стувто» слётось. (Эрзя)

Пензасо евтызь «Кияк апак стувто» округонь слетонь цётамотнень. Проектэсь совавтови эрямос колмоце ие Рав кужонь Федеральной округсо РФ-нь Президентэнь полномочной представителенть Михаил Бабичень мелензэ коряс. Тедиде вейс пурнавкшность 400-до ламо од ломанть, конат пелькстасть военно-исторической викторинасо, невтизь содамочист военной археологиясо, топографиясо, архивно-поисковой важодемасо ды медицинань васень лезксэнь максомасо. Слётонь пекстамонь церемониясонть теезельть цётамот 8 очной ды зняро жо заочной пелькстамонь коряс. 48 изницят тешкстазь дипломсо ды казнесэ. Гран-принть саизе Пенза ёнксонь делегациясь. «За вклад в развитие поискового движения» номинациясонть васенце степенень диплом максозь «Поиск» Мордовия республикань движениянь ветицянтень, мемориальной музеень прявтонтень Николай Кручинкиннэнь. Сон тейсь республикасонок од ломантнень марто роботамонь коряс лия енов а молиця система. Мордовиянь поисковиктнень командась сайсь омбоце тарка «Результат» ды «Информация» номинациятнесэ ды колмоце – «Военная археология» пелькстамонь цетамотнень коряс.

Комментарии

Комментариев нет.