Патриотизмань урокт Ковылкинаса (МОКША)

Мекольдень кизотнень оцю мяль шарфневи од ломаттнень патриотическяй воспитанияснонды. Ашезь ляда шири ня тефнень эзда мокшэрзянь народть межрегиональнай общественнай организациясь и арьсесь проект оттнень ёткса патриотизмань уроконь ётафтомат, шачема масторть кельгоманц колга. Ковылкинскяй райононь школаса тонафнихнень мархта корхнесть республикаса содаф ломаттне. Ковылкина ошень васенце гимназиянь тонафнихне анокласть Саранскяйста саф инжихненди морот и кштимат. Тяда меле лама корхтафоль патриотизмать, марса пуроптомать квалма. Иттненди няфтьфоль фильма историяньконь колга. Иттнень мяльснон патриотизмати шарфтомась – эрявикс тев. Кда шабась касы шачема масторонь кельгикс, то эздонза лиси афкуксонь гражданин. Пяк пара, што ётафневихть республикань районга тяфтама урокт. Проектонь арьсихнень ули мяльсна васедемс сембе райононь школаса тонафнихнень мархта. Надиятама, арьсефсь ули пяшкотьф.

Комментарии

Комментариев нет.

This blog is kept spam free by WP-SpamFree.

Главное сегодня