Патриотизмадо ды ломантнень вейсэндямодо урокт ютасть Покш Березникень районсо (ЭРЗЯ)

Кемечинь урокт, фильмань невтемат, ветеранонь ды тылэнь труженикень марто вастовомат! Тешкстама, культурно-образовательной проектэнь арсицякс кармась улеме эрзя-мокшонь раськень общественной вейсэндявксонь исполкомось. Делегациянть, ков совить общественностень представительть, исполкомонь активистт вастыть буень куншка куросо. Васняяк, кортамот райононь прявтонть марто. Иван Игонов пачти, эйкакштнэсэ, од ломантнесэ тиринь ёнксонтень вечкеманть кастомантень свал явовсь покш мель. Покш таликась теньсэ -ветеранонь вейсэндявксонь, школань, краеведениянь музеень вейсэнь важодемасонть. Патриотической воспитаниянь кастомадо уроктне ютасть ве шкане Покш Березниксэ, Шугуровасо ды Марьяновкасо. Покш Березникень 1-це номер школасо, косо тонавтнить 487 эйкакшт, зярыя иеде теде икеле панжозельть кадетэнь класст, мезень коряс эйдетне ды тонавтыцятне аштить каштанчисэ. Военнослужащейть, Мордовиянь почётной ломанть, содавикс учёнойть, военной ды трудовой подвигень мемориальной музеень, Россиянь военно-исторической обществань, «Наследники Победы» общественной движениянь представительть! Весе сынь анокт ёвтнемс тиринь масторонтень вечкемадо, тиринь масторонть ды сонзэ эрямопингензэ ванстомадо. Кепетемс мельявоманть Россиянь раськетнень эрямопингентень ды культурантень, кастомс гражданской ды национальной самосознаниянть! Истят путовкст аравтыть икелест проектэнть арсицятне ды топавтыцятне. Кортнемадо башка — документальной ды художественной фильмань невтема! Казнекс школанть туртов- 13 фильмат, конатнесэ невтевить лия ёнов а молиця фактт эрзя-мокшонь масторонь ды раськенек эрямопингестэ. Вастовомань программанть лувсо- «войнань эйкакшт» медальсэ каземась. Мезесь, содазь, истя жо кемексты патриотизмань ёнксонть. Проектэсь поладови и лия районтнэва. Пачтяса, вастовоматне алтавить Раськень вейсэндямонь чинтень.

Комментарии

Комментариев нет.