ОРВИ-сэ ды гриппсэ ормалгадомась ютызе эпидемиянь поровтонть. (ЭРЗЯ)
2017-це иень омбоце таргонь цетамотнень коряс республикасонть ОРВИ-сэ ды гриппсэ ормалгадомась ютызе эпидемиянь поровтонть. Тонавтомань процессэнь лоткавтозь Мордовиянь ниле школань кавксо классо. Теде башка еще ацамковонь 21-це чистэ саезь республикань весе медицинань организациятнесэ яволявтозь карантин. Эпидемиологтнень валост коряс якшамковонь вейксэце чистэ саезь кемкотовоцес респираторной вирусной инфекциясо ормалгадсть 5 тежат котосядт сизьгемень кавто ломанть, сядо колоньгемень колмотне – гриппсэ. Ютазь таргонть коряс ормалгадозтнень ламочист кайсь малав комсь кото процентс. Роспотребнадзорсо тешкстыть, грипп ормасо, конань лангс ломантнень арась иммунитетэст, республикасонть кияк а сэреди.