Од сёрмадыцянь семинарось юты Саранск ошсо (ЭРЗЯ)

Ванстомс тиринь келенть, кепетемс содамочитнень, кастомс ёрокчинть! Саран ошов тагояк пурнавсть ушодыця сёрмадыцятне. Иезэнзэ весть эрзянь, рузонь, мокшонь кельсэ ушодыця сёрмадыцятне пурнавить вейс: кортнемс талновтыцядо, редямс ильведькстнэнь, кунсоломс ёроков сёрмадейтнень превспутомаст. Пингестэнть, зярдо од ломантнень пельде ловномантень явови аволь сатышка мель, неть вастовоматнень эрявиксчист ков седе покш. Сёрмадомс тиринь кельсэ, ловномс классикень произведеният, апак пеле чопавтомс литературань певтеме масторонтень! Тенень тердить семинаронь ветицятне. Александр Доронин — Мордовиянь сёрмадыцянь вейсэндявксонь прявтось ледстни, зярдо-бути сонгак ульнесь семинарс тердезекс. 2 чинь семинаронтень тердезь малав 70 ломанть, кода прявтошсто, истя и республикань районтнэстэ. Эрьва иень семинаров пурнавицятнень ютксто ламот поладыть вечкевикс тевест, цётавкстнэ пек кенярдовтыть. Кастомс виев кадрат сы шкань литературантень, ванстомс ванькс келенть ды сёрмадома лувонть! Неть вешевкстнэнь кирдезь, ламо иень перть важодить семинаронь ютавтыцятне. Официальной пельксэнть ютавтомадо мейле ушодовсь секциява важодемась. Паряк, од сёрмадыцятнень ёвтнемаст ды валморост нолдавить башка пусмосо.

Комментарии

Комментариев нет.

This blog is kept spam free by WP-SpamFree.

Главное сегодня